| 原來話咁快已經放左成個月暑假, 一路都冇話比大家知呢個月做過乜, 好似搞到我失左蹤咁, 哈哈~ 22 June 
呢日係林以諾Yeah Show 2008既大日子, 其實我並無刻意話比大家聽poster入面o個個係我, 不過o個個的確係我~ 當晚我同我既Partner Sophie負責唱opening, 唱左The Cranberries既《Dreams》同埋孫燕姿既《逆光》~ 同場表演既仲有Grabriel, 李亞男, 高皓正, 徐偉賢同埋何基佑~ 唔知點解我淨係同到高皓正影相, 但係其實, 我想同徐偉賢影多d~  
高皓正 & 葉小茄 & 劉小虫
兩場既Yeah Show完滿結束, 眼見有好多人行出黎決志, 其實有好興奮, 不過只怕都希望佢地出左黎就真係試下去探究下呢個信仰, 雖然信耶穌唔係咁簡單, 不過都希望呢班人可以繼續認識落去... Yeah Show可以話係我咁大個女以黎演出過最大型既show, 之前去過文化中心以為自己已經可以死而無憾, 點知今次係綜藝館, 對住千幾人都咪話唔腳震~ 我同Sophie一上到台就好似對腳鑲左螺絲咁唔郁, 一唱完大家都問我地做乜唔郁, 我只好話比大家聽「我腳軟呀！」,,, 不過第二場就好d, 有行下郁下同埋eye contact, 不過把聲就冇下午場咁好, 沙鬼哂,, 鬼咩, 第一場搏哂命咁唱.... 總括黎講, 今次呢個show係一個好好既experience, 亦都好多謝大家既支持同捧場!! 最開心既就係媽咪同老豆都有黎~ 雖然佢地都冇咩feedback比返我, 不過今次係佢地第一次黎睇我出show, 我真係會好好記住今次既演出~ 嘻嘻~~ 23 June 呢日係Wendy's b-day~ so 去左唱K~ 但係夜晚唱K之前有一大堆野要做, 因為第二日去香港CAMP, 所以做到傻哂~ o個晚唱k對Wen & Nana講左d感受, 一開始都諗到頭爆, 因為我確實唔係好識同佢地兩個相處, 可能佢地兩個既personality都同我相反, 所以好多時都會有d磨合唔到既位~ 不過o個晚講左出黎都總算個心舒服d~ 其實佢地兩個都係好女仔黎既~ 特別係Wen, 得得意意咁~ 都幾搞笑~ 哈~ 唱到3點幾先返屋企, o個晚有d好特別既事情發生, 搞到有d人之後傻左, 唉...... 我而家諗返, 其實, 我都真係覺得冇乜問題, 不過算啦....... 24 ~ 26 June 去左香港道風山camp, first day 有typhoon no. 3 signal, 之後夜晚仲掛埋no. 8 signal... 呢個camp裡面, 真係感受到上帝點樣同我地風雨同路~ 其實響呢三日裡面, 話就話要比自己一個安靜既時間, 但係我個腦冇一秒鐘係安靜緊... 至於諗緊咩, 算啦~ 我唔係好識講~哈.... second day, 朝早11點幾掛返no. 3 signal, 所以我地中午o個陣出左道風山, 去左city同d同學仔傾下計, city既canteen真係好, 野食又多又好味, 唉....澳大個canteen, 算罷啦~ 參觀完city, 我地就坐低傾計, 我地今屆比較junior既職員比佢地做既野嚇到傻左, 個腦又塞左... 不過我就唔怕, 因為我一早已經塞左~ 哈哈~ 之後夜晚Wakit就搵左阿公黎同我地傾計, 傾完計, 大家個腦仲更加塞, 但係我仍然都係咁暢通無阻..... third day, 朝早有bible study, 中午就出camp啦~ 之後去左大圍食野, 食完野同Wakit & Jo去深水埗睇兔仔, 勁得意~~ 仲有d龍貓, 個訓覺樣鬼死咁傻仔, 超得意~~ 我地去睇兔仔o個陣, Peter Un小朋友唔知做咩走去望住隻兔仔, 之後隻兔仔又望住佢, 好似同佢傾計咁, 超搞笑~ 如果可以養兔仔or龍貓是但一樣就好啦~~ hehe~ 之後Wakit & Jo要返澳門先, 我同Peter Un小朋友就繼續行, 行到咁上下去左搵大專部李生~ 都有成年冇見佢啦~ 佢仍然都係冇乜變~ 不過有d野就唔同左~ 唉~ 世事真係難料~ 你至紅, 我地會撐你架!! 我地下次黎一定會搵你去玩架!! 同李生去左New Chapter行左一陣, 之後坐叮叮車去食飯, 食完個dinner我地就返澳門lu~~ 原本我地諗住留多一日, 不過都真係太累啦~ d野又重, 所以我地都係下次黎先同李生周圍去玩~~哈哈~ 今次黎香港, 原本諗住可以搵下d朋友仔, 不過大家都好忙, 唔緊要啦~ 我同Peter Un會再有機會黎香港, 希望下次可以見到大家啦!!! 一跳就跳到去7月4日啦~~ 04 July 有人promise話帶我去路環親親大自然兼同陽光玩遊戲, 冇左件事..... 唉~ 不過呢日都總算過得充實~ 首先3點幾去左南屏雅敍食tea, 好似去左金馬輪咁~ d野好好味~ 亦都見識到d茶餐廳術語~ 好開心~ 之後就去左遊車河, 遊到文化中心, 我地就去左藝術博物館睇展覽, 有石灣陶瓷, 有書法展, 有好多希臘既大理石像, 仲有舊澳門攝影展, 因為Peter Un 6點半要練歌, 所以睇唔哂, 諗住下次再睇過~ 之後我就返左FCS, 我同阿Jo講我突然好想寫書法(因為睇完書法展), 所以阿Jo就叫Wakit拎d 免墨水既書法紙同毛筆返黎~ 我, Angela同Wakit係咁玩, 佢兩個就咁用手指畫公仔, 我就正正經經寫字, 不過寫寫下, 變左畫麻雀(打o個d).....  
 
玩玩下, Peter Un練完歌返黎, 船長宏又返左黎, 之後就大家一齊玩~ 哈哈~
玩到咁上下, 我地就去買野食返黎睇戲, 睇 "License to Wed", 唔知中文係咩, 好好睇, 好搞笑~ 而且我覺得好o岩我睇~ d message幾幫到我去諗我而家諗緊既野....不過睇一次唔夠, 因為聽唔哂佢講d野, d字幕又表達得唔係咁好, 所以我打算再睇多次~ 芝see菇be講得好o岩, 痴男怨女最好腳骨力, 企成晚講一d大家都知道既野.... 唉~ 「其實你明唔明我架o者?」 05 July 今日係冇Peter Un既一日, 因為佢去左香港.... 5點幾同左劉小虫去八佰伴行街~ 6點幾返左佢舖頭吹水~ 我發覺, 劉小虫真係我的最愛, 因為我發既牢騷佢聽得明, 特別係d女人心事~ 只可惜, 明白都冇用, 都搵唔到解決方法..... 唉~ 7點半返左教會參加畢業感恩會, 估唔到時間過得咁快, 以前響教會開小組既小組員, o個陣時都仲係傻傻更更又彈彈下咁, 而家就話中學畢業, 又話去廣州又話去美國, 真係... 雖然佢地而家都仲係傻傻更更又彈彈下又鍾意搞爛GAG, 不過佢地兩個都真係大個左, 我見到都好開心~~ 唔知我送佢地走o個日會唔會喊到收唔到聲呢?? 可能會都唔定~~ 今日見到冬菇喊o個陣我都已經忍唔住~ 到時去送佢地走都唔知點算.... 只怪我呢幾年離開左教會冇好好關心佢地兩個, 雖然佢地都仲會繼續叫我做「媽媽」, 而且我成日話佢地傻傻地, 佢地都會話「唉~ 無辦法啦~ 你生成既~」, 不過始終呢幾年我都冇理過佢地, 我自己都真係好慚愧~ 不過佢地兩個咁有potential (同我一樣, hehe), 以後一定會好叻女既~~ 無辦法啦~~ 我生成既~~ 哈哈~
 
之後去左同翠wawa, 翠wawa個細佬, Hil姐, Wen, Hil姐媽咪去飲野~ 雖然有咁多人去飲野, 但係個感覺好似我同翠wawa個細佬撐檯腳咁, 因為成程我都同佢響度玩~ 哈哈~  
佳哥仔~
人地得十一歲咋~~ 但係講野好老積, 勁得意, 又肥嘟嘟~ 好好篤~哈哈~ 阮志豪小朋友於凌晨二時平安返抵澳門, Happy ¹/2 year! 
|
